Tuesday , October 24 2017
Date: Oct 24,2017
Home / KADDIO-BODDIO

KADDIO-BODDIO

 

ISOPACHEO KANNIO: 3

Dista toxem nasta
Ek dis ek mor eka bokeak polleun hansunk laglo. Bokean vicharlem, "Hanstai kiteak?"
Moran mhonnlem,"Tujim pakam polleun mhaka kakullt dista. Ekuch kor tujea angak! Mhaka polle, kitle kor mhojea angar nachtat te! Te kitle bore sobit distat ani hanv soglleankuch boro distam. Devan sobhai vantt'tana mhakach poilim ti dilea astoli."
Bokean mhonnlem," Vhoi, ghoddie tum sangtai tem khorem asum ieta. Punn tuka ek sangtam. Fokot sobhai asli mhonn pavona. Ticho khoro vapor zaunk zai. Jednam uddunk zai, tednam hea pakancho tuka kitlo upeog zata? Mhaka polle. Mhaka zai thoim, mollbar unch unch bhonvunk mellta."
Zhogzhogta titlem bhangar nhoi. Gorem dista tem sogllem borem nhoi.

Anagha Kamat
Alto Porvorim.

KADDIO BODDIO: 1

Makddancho Khell

Makodd aplea hatant ek maslli ghevun rukar bosun aslo. Guruk tem vichitruch dislem. Makodd follam, fulam ani panam khavpi. Dekun gurun makddak vicharlem, " Maslli hatant gevun tum kitem kortai?"
"Ti maslli udkant buddun mortali. Hanvem tika mornnantli vattaili" makddan zap dili.
Dedd xanneanchem okkol dhomprant asta.

Pratap Naik, S.J.


AMCHIM HUMANNIM

1. Ghora bhitor dhampxi tor voir sokoil nachta.
2. Ghattar thaun reddeanchem zot haddlam, punn uzvo daveak vochona, davo uzveak vochona.
3. Ghatta voile mhoxik angbhor kantte.
4. Ghaltana kallem, kaddtastana tambddem.
5. Chovg zonn kanddtat, dog zonn asuddtat, eklo zhaddta.
6. Char paim asat tori cholona, sodanch ubem.
7. Char paianchem vasrum amchem, paim tenkoinastana bhonvta.
8. Zolmotananch amcho ball topi ghalun aila.
9. Zhogddem na tonntto na, toripunn boddoita, dukh na khont na, varear dholun bhitor veta.
10. Zhaddar foll follar zhadd.

Netra Veluskar
Cuzra, Santa Cruz

Zapo
(1) Khotkhotchem xit (2) Vhanno (3) Ponnos (4) Ujeak ghal'lem lokhonndd (5)
Reddeache paim, kan ani xempddi (6) Kodel (7) Pallnnem (8) Vaingem (9) Moddvollachea hatantlo kopddo (8) Onnos


BHURGEANCHO SONVSAR
Xallek Vochum-ia
Xallek vochum-ia Somara
Somara Xallek vochum-ia.
Mongexi vochum-ia Mongllara
Mongllara Mongexi vochum-ia
Bazarak vochum-ia Budhvara
Budhvara bazarak vochum-ia.
Bavli haddum-ia Brestara
Brestara bavli haddum-ia.
Sungttam khavum-ia Sukrara
Sukrara sungttam khavum-ia.
Veller vochum-ia Son'vara
Son'vara veller vochum-ia.
Misak vochum-ia Aitara
Aitara misak vochum-ia.

Pratap Naik, S.J.

BHURGEANCHI PODDVI

Tornim Panam
DALLIMB
Inglix nanv : Pomegranate. Botanical nanv : Punica granatum
Dallimbachem zhadd 10 te 15 futt lambaien vaddta. Bharotant soglle kodden dallimbachem zhadd polleunk mellta. Hea zhaddak tambxim fulam fultat. Him fulam ekoddim va ken'nai don char vangdda fultat. Dallimbachem foll ghott asta ani tache vibhag astat. Tacheo biyo tambxeo, gulabi na zalear dhovxeo astat ani khavpak ekdom' ruchik lagtat. Follam ekdom' rosall astat. Tachem foll, ful, mullachi sal ani follacheo sali vokhtant vaportat.
Khonkli marlear tachi sal mhovant zhorovn pielear khonkli thambta. Tonddak ruch na zalear dallimb ani dako vangdda khelear ruch ieta. Nakantlean rogot iet zalear dallimbachim fulam ani hariallichea mullancho ros kaddun pielear borem dista. Vonkunk ieta zalear musurichea pittant dallimbacho ros ani mhonv ghalun pielear borem dista. Dallimbachea zhaddachea mullanchi ani salichi ruch mirmiri asta ani tim pottantlea chepttea dontank ekdom' borim. Dantacheo mavo ghott zaunk heo Sali ekdom' boreo. Rogot komi asloleank dallimbachem foll ekdom' borem. Hea follachi sal hagvonn laglear, pottant dukhot zalear ani pintak ekdom' gunnkari.
Preeta Naik
TSKK, Porvorim

GINEANANK SAREM
Gineanak Sarem he spordhent fokot poili te dhavi klas meren xikpi bhurgemni matr vantto gheum ieta. Zapo boroun hea sokoilea pot'tear 17 Dezembr 2005 bhitor dhaddat va haddun diat. Eklean ekuch chitt dhaddunk ieta. Poilem ani dusrem oxim don inamam astolim. Eka poros chodd zonnamni sarkeo zapo dhaddleo zalear sort ghalun inam ditoleanv. Amkam chitt boroitana tumcho fon nombor va e-topal (e-mail) borounk visrum nakat.
Heo sokoileo vostu konnem sodun kaddleo?
Heo sokoileo vostu konnem sodun kaddleo?
1. Peraxutt (Parachute)
2. Mikrofon (Microphone)
3. Gramofon (Gramophone)
4. Mexin gon (Machine gun)
5. Jett enjin (Jet engine)
6. Thermometr (Thermometer)
7. Ttransformor (Transformer)
8. voxing mexin (washing machine)
9. X re (X-ray)
10. Tteleskop (Telescope)
Dipali Sankolkar, Alto Porvorim

Fatle pautticheo Zapo:
1. Orville Wright ani tacho bhav Wilbur wright
2. John J. Loud (3) Kirkpatrick Macmillan
4. G. Daimler of Cannstatt (5) Cai Lun of China
6. Walter Hunt (7) Bardeen Shockley and Brattain
8. Bartholomew Manfredi (9) Pellegrine Tarri
10. Jacques and Joseph Montgolfier
Inam: Maria Fernandes, Naveli
Zapo dhaddunk pot'to:
Gineanak Sarem:1
TSKK, B.B.Borkar Road
Alto Porvorim, Goa – 403 00
1