SONSKRUTIK XAKUTI

DEZ '05 – JAN '06   VORS 1; ANK 3

Heritage mhollear Itihasachem sokaratmok poddbimb
Fontainhas kolechea ani daizachea utsavak suvornn divlechi ghoddemoddni sundor rongli. Sogllea lokank amche paromparik lok-kolechea daizachem ami jem thoim prodorxonn kelem tem tor khubuch manvolem. Ami Goa Heritage Action Group halinch Kola Akademichea zodd palvan Goa Lok-Kolecho Utsov 2005 ghoddovn haddil'lo. Hea Lok-kola utsovant ami Sot'tori, Fondem, Kepem, Kannkonn hangache paromparik lok-kolechem dorxonn amchea Ponnjekarank ghoddoilem. Amche prachin lok-kolechem dorxonn amchea vidheartheank ghoddchem ho hetu monant dhorun ho Mahotsov ami kelo. Goa Lok-Kola Utsovant ami Sot'tori mahalant ddovli-manddi, ronmalem, dhalo, fugddio he prokar dakhoile. Pra. Rajendra Kerkar ani Pra. Prabhakar Majik hannim tanchevixim mhahiti dili. Kepencho kunnbi nach sador kelo Amilbaichea kunnbi pongddan. Hantun zagor, talgoddi, tonniamell, chopoi, ponddoricho pava, gof he lok-koleche prokar Kanta Gavdde ani Mahendr Phalldesaichea pongddan sador kele.

 

Toxench Fontainhas Utsovak ami Mavxi-Sot-toricho Divili vo Somoi nach, Avolli Kankonnchea Velip bailancho khell, dhalo, fugddio sador keleo. Bharatia xattria songit, nach, gazhal, Konknni gitam, Nagaland nrutiu, Ravindranath Tagorache kolecher ek lecture oxe prokar sador kele.
Mhojem Heritage Groupakodden sodanch magnnem asa ki ami Mala Utsov hem nanv dovorchem. Fontainhas hem nanv Molleantle zhorivelean ailam. Molleantli zhor hi nisorgik. Ti Purtugezani haddunk na. Fontainhas Utsovant soreache mand asche nhoi ho sodanch mhozo agro.

Amchea grupan Karanzallem-Sot'torichem Brahnimmaia devull, Toiddem Sangechea Brahmonni Devlachem janot zanvchem mhunn Goem Rajia Purat'tov Khateakodden proitn keleat ani tantun amkam eis mell'llam. Toxench TCP Vatthukumachea virodhant ami nialoient geleat. Ami toxi notis peparant dilea. Netravellichem Budbuddeanche Tolliechem Gopinath Devull moddchem nhoi mhunn amchea Heritage grupan khub iotn kele.

Jen'nam jen'nam Goenchea daizacher havoll aila ten'na ami niailoient geleat. Ponnjechea eka tori rosteak Sardar Karnal Sing, Sudhatai Joshi hanchim navam dinvchi oxem mhojem sodanch magnnem.

Heritage mhonnche daiz. Panch ozar vorsancho Bharatia daizacho itihas mhojea rogtant nhinla. Goemchim devllam, igorjechi paromparik bandavoll toxich dovorchi mhunn amcho Heritage grup sodanch proitnant asta.
Ponnje Ttonkar axil'lea sombavelo xilalekh khorboddun kaddlo ten'na mhaka koll'lem ki to ek 1859 rosto bandil'lo mhunn ubaril'lo stambh tacho dhormakodden sombond na, tacho khoro itihas lokamukhar ievcho mhunn ami to porot ubo kelo.

 

KOVITA

BHOKTI SOBHANN

Mhoji Vinonti
Mhojea Deva
aichea disa
mhoji tuka
hi vinoti.

Hi kallki rat
paxar korunk
axechi vat di.
Hi aichi khont
sosun vhorunk
urbechi chal di.

Hi riti mot
bhoktin bhorunk
kurpechi zhor di.

 

CHIRMULEO

Sorg Kallzant Asa

Eka motthant motthvaxi ravtale. Te soglle tea motthant ravun ubgole. Tannim vochun aplea vhoddilak sanglem: "Amkam hangasor ubgonn ieta. Sonvsarantlo sorg sodunk amkam vochum di." Sonvsarantlo sorg sodunk te gele. Tankam ek sobit zunvo mell'lo. Thoim tankam suknneancho avaz aikum ailo. To aikun tankam sonvsarantlo sorg mell'loso dislo. Pun tea zunvear thodde dis ravtoch tankam ubgonn aili ani te motthak porot aile. Aplea vhoddilak te bhettle. Vhoddilan tankam mhonnlem, "Papiamno, sorg bhair na. To tumchea kallzant asa. Zoim Dev asa thoim sorg asa." Tujea kallzachi dhol tujem Dev mondir.

Fr. Antonio Pereira, S.J.